Ástþór Ingi Pétursson

Lýðræðishreyfingin er stærsti stjórnmálaflokkur landsins!

aip — Sat, 18 Apr 2009 20:06:05 +0000

Samkvæmt nýrri skoðunarkönnun Hvíta riddarans mælist Lýðræðishreyfingin með 32,5% fylgi á landsvísu. Þetta er nokkur breyting frá síðustu könnun Gallup en þar mældist hreyfingin með 0,03% fylgi.

Í könnuninni kemur fram að núverandi ríkisstjórn er fallin en Samfylkingin fær aðeins 13,7% og Vinstri Grænir 19,5%.

Færustu stjórnmálasérfræðingar vilja meina að þarna sé að mestu að þakka að vefdeild RÚV hefur sett inn tengil á vef Lýðræðishreyfingarinnar á kosningavef sinn en nafni minn hann Ástþór Magnússon hefur barist fyrir þessu síðustu daga meðal annars í útvarpsviðtölum á RÚV.

Ítarlegri fréttaskýringu um málið er hægt að nálgast á vef Lýðræðishreyfingarinnar.

Þökkum Símanum fyrir stuðninginn!

admin — Sat, 28 Mar 2009 21:39:58 +0000

Ég er að horfa á landsöfnun Hjartaheilla sem er í beinni útsendingu á Stöð 2. Þetta er vissulega hið best mál og ég mæli með að allir skelli smá féi þarna inn. Ég ákvað að styrkja þetta málefni og hringdi í 903 númer sem er auglýst og flestir nota líklega en þá kom í ljós að fyrir hvert símtal tekur Síminn litlar 78 krónur í þjónustugjald. Það er sossem ekki mikið mál að bæta við 78 krónum í viðbót og ég lét þetta ekkert á mig fá og kláraði málið og ég geri ráð fyrir að fólk hafi engar sérstakar áhyggjur af þessu gjaldi.

Við viljum auðvitað ekki að Síminn þurfi að taka á sig högg fyrir söfnunina enda sitja starfsmenn Símans væntanlega kófsveittir núna fyrir framan skjáinn að taka á móti framlögum og reikna út þannig að 78 krónunum er vel varið!

Nú hafa safnast yfir 20 milljónir. Ef við miðum við að ca. 7.000 manns hafi hringt í 903 númerið og gefið framlag (sem er skot í loftið) þá er Síminn að hala inn rúmum 500 þús á þjónustugjöldum. Er það ekki sjálfsagt að Síminn hafi eitthvað upp úr þessari Landsöfnun?

Í lokin ætla ég að leggja til að Síminn millifæri allt þjónustugjald sem hefur verið innheimt á reikning Hjartaheilla og leggja þannig söfnuninni lið enda skiptir það félagið engu máli og gjaldtakan er ekki við hæfi!

UPDATE:
Síminn gaf þjónustugjöldin í sjóðin þannig að allir eru sáttir!

Gleðilegt nýtt ár!

aip — Thu, 01 Jan 2009 17:40:55 +0000

Nú er árið 2009 gengið í garð og nýir og spennandi tímar framundan. Í tilefni af nýju ári hef ég ákveðið að slást í hóp bloggara og röfla um málefni líðandi stundar.